目錄 購物車 ({{currentCart.getItemCount()}}) 聯絡我們

新買充電器要事先充滿8小時?

 

考考你,如果你新買一部充電器,到底應唔應該係用之前,事先充夠8小時?

A. 應該,由細到大都係咁

B. 無所謂~充唔充都無影響

C. 唔應該!充太耐反而唔好

 

比幾秒你諗諗

.

.

.

.

.

以前多數用鎳氫電池,充耐啲為咗激活電池,而現時充電器/手機主要用鋰電池

 

正確使用新買充電器係應該當平時咁用,因為鋰電池係無需要過度充電,所以答案係:C. 唔應該!充太耐反而唔好

 

點解唔應該?首先要了解其中一個充電器最基本要有嘅保護功能:

"過充保護"

 

當充電器處於滿電狀態,但係又繼續為充電器充電,為避免鋰電池過充,當電壓過高時就會切斷電路,電池就會轉為放電

 

但係未必每一部新買嘅充電器都能夠防止過充,可能成因包括:

1. 偷工減料;市面部分低價充電器,為求減低成本,會將有關功能抽走

2. 過度使用;不停/長時間過充或過放,會令保護功能故障,令保護失效

3. 加大馬力;為求增加充電功率而除去有關保護

 

無咗保護會點?鋰電池被過充後會加速損耗,壽命減少,嚴重時短路過熱,隨時有危險!

 

所以一般有”過充保護”嘅充電器,即使新買充過夜都唔係大問題,最怕係充電器本身品質差!所以安全起見,都係唔好充太耐至好~

 

最後 Sell Good 提醒你:新買充電器唔好貪平,除容量、大小、方便程度外,最緊要係”安全”,買之前查清楚有無足夠保護先好買(過充、過放、短路等等)